香港仔君豪魚蛋王 (Closed)

好多人都話呢間粉麵好好食，咁啱得咁橋行過呢頭，就入去食下睇下好唔好味。舖頭個門面大大隻字寫住魚蛋王，好就入去食一碗魚蛋，睇下係咪真係可以稱王！？個菜單揸上手 "黐立立" 的覺得唔係咁好。凍檸檬茶，茶底唔係好夠香濃，檸檬都唔係好夠味，我覺得唔好飲。我叫咗碗 "魚蛋拼墨魚丸魚麵"，話明魚麵，應該就係用魚肉做嘅麵，我覺得呢個魚麵魚味不足，只係麵粉多過魚肉; 魚蛋好淋，都唔係好夠魚味; 墨魚丸都係好一般的貨色，墨魚味不足，又唔夠爽口。味道真係好一般，請問憑乜嘢稱王？