海雲天

Open Now

Now Closed

上網買咗海中盛宴餐。好抵食買一送一滿心歡喜！但係希望越大失望越大。其實食物水準係正常，唔可以話10分出色，不過呢個價錢都算唔錯。澳洲龍蝦好食！龍蝦味重，肉質彈牙。不過香煎帶子變炸帶子，可能要留意下。但係服務質素認真麻麻。上菜次序亂到暈，首先上湯，最後係想龍蝦？？？離晒譜！上菜亦都好慢，係非常慢！唔計甜品，總共八個菜，上左五道菜，仲有人走埋嚟問我係咪已經上晒菜！大佬呀，始終係酒店。我絕對明白餐飲業好難請人，我唔係想要五星級服務，不過真係茶餐廳啲姐姐都好過。態度極之散漫，每次上菜唔係袖口掂到啲餸，就係撞到我。問咩都唔知。