早安越南 (Closed)

今日收左工行到天后，就比我發現到呢間餐廳，於是就入去試下。真係無令人失望，店舖裝修都唔錯，有幾幅擺設加添好多氣氛。首先我地叫左個絲網海鮮春卷，金黃色既外表，非常脆口，入面啲料好多海鮮，外脆內軟，非常新鮮，而且一啲都唔會油膩，配咪啲菜一齊食，點咪醬汁食真係好新鮮好fresh。到主餐緊係我最喜愛既椰汁海鮮焗飯，一層厚厚嘅芝士係面，好芝味，重有好多海鮮，非常足料，大大隻青口，蝦，帶子同其他配料。非常好味。最後叫左兩個椰青，椰青水好甜，重有好多果肉食，真係一舉兩得。呢道啲服務好好，態度友善，唔使叫就已經囉左兩個碗比我地，真係非常細心，食得開心同放心，世界級值得一試。