鼎爺私房菜 (Moved) New Location

朋友離開香港，想臨走食好d嘅中餐，又講唔出咩系（上海/西川/邊爐/etc）,於是就諗起鼎爺私房菜呢間明星餐廳~ 我都係第一次試，預先去網站睇menu，原來午市有套餐，2位即可。去到首先覺得環境裝修好優雅乾淨。跟茶有一碟涼果，很開胃。點心拼盤賣相幾靚，不過味道唔多驚艷，都係傳統味道。湯很好飲，好大盅，朋友同我講笑點解飲極都飲唔完。菜我哋揀上湯煮，主菜加$98要啫啫雞煲，主食要荷葉飯。上湯菜有d杞子好食唔錯。啫啫雞煲上台好吸眼球，因為佢哋會係面前撰d汁，好有煙霧效果。不過d雞唔多嫩，食到有幾件比較鞋，我朋友就話唔覺。荷葉飯有d似糯米雞不過用普通飯，本來很期待，不過感覺普通。兩個人不停食，到後來真係好飽，朋友呷兩啖萬壽果糖水就食唔到lu。我就覺得糖水幾潤，食晒。總計燉湯，上湯蔬菜，同糖水，成個午餐感覺飲咗好多水......d餸菜未必係最驚艷，因為始終係食開嘅廣東菜，但環境服務好好，加埋而家食有抗逆價，整體係唔錯食得過。