家寶小食車仔麵

Open Now

Now Closed

昨日先嚟過呢個街市，今日又有機會再嚟，我要試下朋友介紹話好正嘅車仔麵檔。要咗一碗3餸車仔麵，係上海麵配豬皮，蘿蔔同魚皮餃；碗麵都算大碗，啲餸比外面嘅車仔麵多，啲湯睇見好似好濃但其實食落味道唔係太重，蘿蔔炆得好腍好入味，魚皮餃同外面嘅差唔多，豬皮都好腍，不過食咗有啲頸渴，唔知係咪有味精。本來冇叫飲品，但食完麵好想飲野，於是叫了一杯凍檸茶，估唔到杯凍檸茶好好飲，啲檸檬好新鮮，甜度適中，仲要係10蚊杯，完全冇期望過一杯咁普通嘅飲品會俾到我驚喜。