日見 (Closed)

好耐冇去過日本旅行，特登搵咗間抵食Omakase Lunch 解下思鄉之愁(優惠價$588+10% off)，包前菜、茶碗蒸、刺身3點、壽司8貫、手卷、迷你昆布湯烏冬、湯物、甜品。前菜分別有辣左口魚邊、紅酒蕎頭漬、青瓜海蜇漬，配搭特別，左口魚邊有嚼勁，辣辣地；紅酒蕎頭散發住葡萄酒既果味，口感清爽；青瓜海蜇漬爽脆可口，食完非常開胃。茶碗蒸表面香嫩光滑，入口溫熱柔順，蒸蛋加左蝦、蟹柳、瑤柱一齊煮，每一啖食到鮮味，口感鮮甜。刺身3點分別有左口魚、北海道帶子、有比較少見的鰆魚。左口魚肥美爽口，北海道帶子非常厚身，入口鮮甜，鰆魚清鮮可口，口感偏清淡。壽司8貫師傅安排一濃一淡味壽司，更充分試到魚生特別之處。牛鰍魚肉質結實，口感厚實有彈性；金善鯛油脂含量適中，肉質細膩；雉羽太（日本石斑）呈金黃色，非常爽口；葉血引比較少地方有得食，相對珍貴，肉質呈紅色並帶有一試難忘的濃郁鮮味；左口魚邊（背）用咗火炙嘅方法煮，魚油脂係口中溶化；吞拿魚面頰肉係最刁鑽的吞拿魚部位，較有彈性，是整條魚最貴及最有口感肉之一，好少日本餐廳有。手卷用左攞奬嘅紫菜黎做手卷，非常有心，未食過咁脆既紫菜🤩，入面用左吞拿魚粒加埋芝士蟹籽粒