石一燒 (九龍城) (Closed)

今晚同家姐食飯，搵到一間超好食的燒肉😍雖然位置有d隔涉，但好值得去！叫左個二人套餐$698，套餐好豐富：有前菜三款、沙律、味增湯、三款牛菇盛會、飯/烏冬、甜品同飲品。我欣賞呢間餐廳由前菜已經開始見到好花心機，而d牛牛好好味，食得出係有質素，最後仲可以玩埋茶藝。前菜三品👉🏻炸鮮奶入口即溶，奶味突出。辣帶子裙邊搭配麻辣醬汁好惹味，而蟹柳酸酸甜甜好開胃。🥣櫻花蝦味噌湯櫻花蝦密密麻麻，好香蝦味，非常有特色。我飲曬。🐮呢個燒肉有三款肉，份量好多，A4和牛油脂爆棚，入口即溶，而封門柳就好juicy😙😙☕️普洱茶用來解膩一流。🍜稻庭烏冬手打烏冬好有咬口，連個豬骨湯底都好濃味，有心機！🍵日式甜品我超愛綠茶，所以好期待呢個甜品。將水倒入綠茶粉攪拌成綠茶漿，再加入雲呢拿雪糕，綠茶粉茶味非常濃郁，雲呢拿雪糕有粒粒雲呢拿籽，超好味，綠茶控必試。最後！有得抽獎玩刮刮樂，我地中左一支酒💃餐廳樓底高，好舒服。