Video
5-min walk from Exit B3, Sung Wong Toi Station
continue reading
Introduction
It offers stone roasted meat, and specializes in a variety of beef cuts from different countries. Besides, most beef is imported from Japan, and also provides pork, lamb and side dishes as well. At lunch time, it offers rice items for you to select.
continue reading
Opening Hours
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
到訪小店嘅時間較早，所以人流唔多，可以慢慢享受用餐時間～主餐後嘅甜品時間更有驚喜，另外仲有刮刮樂，可以得到優惠供下餐使用，又有啤酒速飲嘅挑戰，可以得到各種不同嘅用餐體驗。極上和牛盛會二人前 $698🔸沙律：生菜以外仲有羽衣甘藍😮，簡單灑上木魚絲及芝麻醬作調味，醬汁份量稍多，改配柚子醋會更清爽，更適合配搭燒肉。🔸櫻花蝦味噌湯：櫻花蝦份量超多，鋪滿味噌湯面頭；味道唔會太濃太鹹～🔸前菜三品：前菜有炸牛乳（甜）、柚子蟹柳（酸）、帶子裙邊（辣）；店員建議以甜酸辣嘅次序品嚐，的確酸味可以化掉炸牛乳嘅油膩同甜膩感，與辣味道起增加食慾。🔸和牛拼盤：二人前共有三款和牛，「日本九州A4和牛上前腿肉」豐滿油脂，勁軟腍腍；「澳洲和牛封門柳」較有咬口，而且充滿肉汁；「日本九州A4和牛三角胸」有筋，比起上前腿肉更油潤，配上淋左燒肉汁嘅白飯或者湯烏冬食啱啱好👍🏻。燒肉汁以外仲有岩鹽、黑椒同埋由花椒、胡椒、黑椒、辣椒等調配嘅自家鹽，所以燒肉味道唔會單一。🔸菇盛會：菇類有兩款，建議係上前腿肉或三角胸後食用。🔸普洱咖啡：餐飲以外原來仲奉有咖啡，咖啡唔算太苦，略帶酸味，帶有普洱嘅香氣，十分解膩，口腔內嘅油膩感可以話完全消失，呢個安排的確唔錯。🔸甜品：到甜品時間啦！估唔到抹茶雪糕係自己沏完抹茶之後淋到雪糕上，果然配合店家提倡嘅慢活生活～
continue reading
九龍城🚇呢間石一燒為處於一條比較清靜嘅街道☺️，係一間裝修簡約清雅嘅小店🥢，佢哋有多款套餐選擇，💰性價比亦都唔錯。我哋揀咗個極上🇯🇵和牛盛會の2人前，包咗餐飲🍹、一大盤新鮮嘅沙律🥗、前菜三品（蟹柳、帶子裙邊同埋炸鮮奶🥛）同埋落咗勁多🌸櫻花蝦勁鮮味嘅櫻花蝦🦐味噌湯。呢個餐主打嘅🐂牛拼盤有日本九州🏯A4和牛三角胸、日本九州A4和牛🥩上前腿肉、澳洲和牛封門柳同埋🍄菇盛會，極之高質豐富。石燒爐🔥火力十足；三角胸油脂豐富入口鬆化😍，脂味滿滿；上前腿肉入口好嫩滑😋，油花均勻；封門柳比較有咬口🤤，牛味濃郁。個餐配埋紫菜飯🍚，亦可以加15蚊轉豬骨🥣湯底烏冬，配上和牛一齊食🤩十分滋味。餐廳仲送咗一壺普洱咖啡☕，茶啡味香濃而且好夾，😝出乎意料咁好飲。甜品方面係雪糕🍨，特別之處係配咗抹茶粉可以加入雪糕，亦可以加少少水做成🍵抹茶醬加入雪糕一齊食，滿足感十足👍！食完仲有得刮卡🎁抽獎，我就刮到指定單點🍖肉品1份半價，下次可以再來用，😍正呀！
continue reading
九龍城唔係淨係泰國嘢出名，都有高質燒肉店✨今次同朋友揀左石一燒嘅極上和牛盛會2人前，可以食到三種和牛🐮，三種和牛嘅油脂分佈/牛味各有特色，店員提議由淡至濃嘅順序食和牛前腿肉、和牛封門柳同和牛三角胸，身為和牛控嘅我超級滿足🥰🌟極上和牛盛會2人前 $698🌟🔅沙律+櫻花蝦味噌湯沙律🥗翠綠新鮮，櫻花蝦🦐味噌湯蝦味濃郁，食完胃口大開!🔅前菜(三品)是日前菜係炸牛乳、皇帝蟹柳同辣帶子裙邊。炸牛乳有驚喜，炸得外脆內軟，一啲都唔油膩😌；皇帝蟹柳同辣帶子裙邊都好新鮮，帶子裙邊帶咬口，微辣開胃🤤🔅日本九州A4和牛前腿肉和牛嘅油脂分佈平均，食落幾乎入口即融🥺，可以用醬油/岩鹽點黎食，仲有隻自家調味嘅鹽，點牛肉食提升味道，勁夾💯.🔅澳洲和牛封門柳牛味比前腿肉更加突出，脂肪較少，肉質較結實，個人覺得燒到帶點焦香就最好食😝.🔅日本九州A4和牛三角胸油香豐富，入口軟腍，話係齒頰留香一啲都唔誇張🫶三種牛都好高質🔥.🔅豚骨白雞湯烏冬飲落係濃厚嘅豬骨味，烏冬係帶韌勁嘅口感😗店員仲送左普洱咖啡比我地解一解膩，估唔到普洱同咖啡係咁夾，茶具都好精緻👏最後甜品有雲呢拿雪糕🍨，仲可以加水落抹茶粉自製抹茶汁，隨個人喜好加落雪糕度食，雪糕上仲有粒粒果仁，誠意100分🫶
continue reading
今晚同家姐食飯，搵到一間超好食的燒肉😍雖然位置有d隔涉，但好值得去！叫左個二人套餐$698，套餐好豐富：有前菜三款、沙律、味增湯、三款牛菇盛會、飯/烏冬、甜品同飲品。我欣賞呢間餐廳由前菜已經開始見到好花心機，而d牛牛好好味，食得出係有質素，最後仲可以玩埋茶藝。前菜三品👉🏻炸鮮奶入口即溶，奶味突出。辣帶子裙邊搭配麻辣醬汁好惹味，而蟹柳酸酸甜甜好開胃。🥣櫻花蝦味噌湯櫻花蝦密密麻麻，好香蝦味，非常有特色。我飲曬。🐮呢個燒肉有三款肉，份量好多，A4和牛油脂爆棚，入口即溶，而封門柳就好juicy😙😙☕️普洱茶用來解膩一流。🍜稻庭烏冬手打烏冬好有咬口，連個豬骨湯底都好濃味，有心機！🍵日式甜品我超愛綠茶，所以好期待呢個甜品。將水倒入綠茶粉攪拌成綠茶漿，再加入雲呢拿雪糕，綠茶粉茶味非常濃郁，雲呢拿雪糕有粒粒雲呢拿籽，超好味，綠茶控必試。最後！有得抽獎玩刮刮樂，我地中左一支酒💃餐廳樓底高，好舒服。
continue reading
今次嚟到九龍城同大家介紹一間日式岩石燒料理，石一燒。材料採用高級日式和牛，店內環境舒適，簡約日式裝修帶有溫馨感。我哋叫咗個極上和牛盛會2人前 $698，成個餐都非常豐富。———————————————🌟沙律一開始就上咗一大盤新鮮嘅沙律，配上日式芝麻醬，生菜非常爽口。🌟櫻花蝦味噌湯味噌湯非常濃郁，湯底充滿咗櫻花蝦嘅鮮味，蝦嘅份量相當多，每一啖都可以品嚐到濃厚嘅海鮮味道。🌟前菜(三品)呢個三品前菜包括炸牛奶、醃蟹柳同麻辣醃製裙邊。炸牛奶外脆內滑，醃蟹柳凍食鮮甜可口，麻辣醃製帶子裙邊帶有微辣，愈食愈上癒。🌟16oz和牛盛會呢個16oz嘅和牛盛會包括九州A4和牛三角胸、九州A4和牛上前腿肉同澳洲和牛封門柳。每一款和牛都非常嫩滑，放上石板燒時仲可以有洋蔥做襯托，仲可以自行加鹽或者醬汁。九州A4和牛三角胸嘅油脂分布均勻，口感極佳；九州A4和牛上前腿肉肉質嫩滑；澳洲和牛封門柳肉質結實，有嚼勁，味道非常出色。牛肉底部仲放有菜，我地連果啲菜都用和牛嘅牛油燒埋佢，味道都一流。🌟菇盛會主要係香菇同大啡菇切件為主，放上石板上燒香氣撲鼻，味道出色。🌟主食主食有一個飯素珍珠米飯同另外加$15升級嘅稻庭烏冬。珍珠米加埋飯素，真係齋食都覺得一流。稻庭烏冬彈牙爽口，而且佢仲有個好濃郁嘅湯底，非常美味。🌟餐飲我哋點咗凍咖啡同凍桂花烏龍茶。凍咖啡唔算太濃味係普通日式咖啡，至於凍桂花烏龍茶清香回甘，飲落非常解渴。🌟日式甜品佢係成個甜品盤咁上，有綠茶粉，可以好似日式茶道咁攪拌，將綠茶粉攪拌至完全溶解後可以淋係雲呢拿雪糕上面，成個過程充滿儀式感。綠茶嘅清香同雪糕嘅香甜完美結合，係一個非常完美嘅餐後甜品。🌟普洱咖啡呢個係鋪頭特別送嘅，成個套裝好似清酒set咁靚，飲落去普洱茶味道多，但細品又帶有咖啡香，非常特別，仲可以幫助解膩。🔸整體食評🔸石一燒嘅環境簡約而舒適，服務人員友善熱情，每道菜都用心製作。和牛質素極高，燒製後香氣四溢，整個用餐體驗非常滿足。無論係朋友聚會定係情侶約會，呢度都係一個唔錯嘅選擇。
continue reading