Video
Read full review
2023-08-11
69 views
環境舒適簡約，食材高質鮮美～係近排食過最好食又高級嘅Omakase!!!勁推薦！！我食嘅係$580 Lunch Omakase～前菜係花咲蟹肉茶碗蒸再加漬物：牛蒡&薑，個茶碗蒸好好味，蛋夠晒滑，加埋蟹肉嘅鮮味，勁正！而更估唔到嘅係牛蒡同薑嘅漬物都好正，牛蒡勁爽脆，而薑亦都唔會過辣同酸，勁開胃！-魴鮄魚昆布漬壽司-第一次食魴鮄魚，味道較為清淡，但係肉質都幾彈牙，唔錯唔錯～-時不知鮭壽司-採用咗野生三文魚，超勁肥美🤤好香三文魚油香味～如果有得㨂嘅話會再encore😆-梭子魚壽司-表面炙燒過架！很香炙燒味呀～魚肉質感軟嫩，魚味都算突出～-北寄貝壽司-勁鍾意食北寄貝嘅我，非常欣賞呢度嘅北寄貝壽司！佢加入咗青檸汁同少少青檸皮，非常鮮甜！肉質又夠爽！-天然鰤魚壽司-呢款都係第一次食，原來鰤魚係好香油甘香！！！一路𡁻，啲香味會一路湧出嚟，好好食呀～-熟蝦壽司-因為平時唔鍾意食生蝦，廚師好好幫我改咗做熟蝦，我想講我係第一次覺得熟蝦壽司係好食，平時出去食日本嘢基本上係唔會叫～呢個熟蝦好彈牙又好清甜！-五日熟成赤身壽司-出面食吞拿魚一定唔會叫赤身，因為覺得唔夠肥美同埋好多筋，但呢度嘅赤身魚味濃郁，食落去冇
環境舒適簡約，食材高質鮮美～
係近排食過最好食又高級嘅Omakase!!!
勁推薦！！
我食嘅係$580 Lunch Omakase～
前菜係花咲蟹肉茶碗蒸再加漬物：牛蒡&薑，
個茶碗蒸好好味，
蛋夠晒滑，
加埋蟹肉嘅鮮味，勁正！
而更估唔到嘅係牛蒡同薑嘅漬物都好正，
牛蒡勁爽脆，
而薑亦都唔會過辣同酸，勁開胃！
-魴鮄魚昆布漬壽司-
第一次食魴鮄魚，
味道較為清淡，
但係肉質都幾彈牙，唔錯唔錯～
-時不知鮭壽司-
採用咗野生三文魚，
超勁肥美🤤
好香三文魚油香味～
如果有得㨂嘅話會再encore😆
-梭子魚壽司-
表面炙燒過架！很香炙燒味呀～
魚肉質感軟嫩，魚味都算突出～
-北寄貝壽司-
勁鍾意食北寄貝嘅我，非常欣賞呢度嘅北寄貝壽司！佢加入咗青檸汁同少少青檸皮，非常鮮甜！肉質又夠爽！
-天然鰤魚壽司-
呢款都係第一次食，原來鰤魚係好香油甘香！！！一路𡁻，啲香味會一路湧出嚟，好好食呀～
-熟蝦壽司-
因為平時唔鍾意食生蝦，廚師好好幫我改咗做熟蝦，我想講我係第一次覺得熟蝦壽司係好食，平時出去食日本嘢基本上係唔會叫～呢個熟蝦好彈牙又好清甜！
-五日熟成赤身壽司-
出面食吞拿魚一定唔會叫赤身，因為覺得唔夠肥美同埋好多筋，但呢度嘅赤身魚味濃郁，食落去冇乜筋，肉質鮮嫩！
-稻草煙燻鰹魚壽司-
煙燻味好濃郁，好香呀～～～～就算食完，口腔內都會留有啖啖煙燻味，好味！
-白海膽壽司-
個份量根本係海膽軍艦嚟！出面食嘅海膽大多數有海水味 / 輕微苦味，但呢度嘅海膽係激鮮甜！
-野生中拖羅-
係我另一至愛中拖羅☺️中拖羅真係好好好好好食，獨有嘅甘香，係會齒頰留香！又夠晒肥美～
-江戶前玉子燒-
之前都有聽過夢王雞蛋呢個名，但第一次食，個蛋味係超級極濃郁，香到無倫！大癲，實在太太太好食！
-粒貝清湯-
本身諗住清湯應該冇乜味啦～原來唔係架！係好清甜！好好飲～
最尾仲有甜品～不過因為唔想食凍嘢而㨂咗熱咖啡～老公揀咗開心果雪糕，佢話勁香開心點味好好食🥲不過好在我杯咖啡都好香濃好好飲啫～
Post
