增煇大排檔 & 增煇藝廚

Open Now

Now Closed

前晚2個人想食大排檔，行經愛文生，見到大排長龍，成條街坐滿哂，都知有排等，就去左增輝，話哂年年都米芝蓮推介，但真係好失望。鬼馬炸油條，幾好食，夠脆，唔油膩，但呢個價錢，我會expect入面d味道再香d再重d士多啤梨骨，唔太掂，d骨好少肉，有d係2條骨夾住一片肉，食起上黎非常不便，仲要d肉又靭又硬，好痴骨，根本用筷子咬唔到出黎，要用手扯。個醬係普通甜酸醬，冇士多啤梨味。如果佢係$50-70一碟，我唔會有意見。但佢依家呢個質素係完全對唔起佢個價錢。仲有一碟冇影，海鮮雜菜煲，全晚最差... 落左好多好多薑，成煲冇鮮味得薑味，而且落咁多薑，都僻唔到佢d魷魚既腥味。d菜煮到林哂又黃哂。根本食到一半已經唔想食...另外講下服務，d侍應係有禮貌，可惜唔算好爽手，坐低叫都叫左10分鐘先有人黎落單。落4樣野黎得3樣，再催一催，原來有一樣係落漏，我地直接話唔洗補落啦。因為以佢今晚呢個質素，已經唔需要再試... 埋單3樣野加2個飯total $360，唔值呢個價同米芝蓮推介，非常失望。