名仕餐廳 (Closed)

尋日同屋企人到日航酒店嘅名仕餐廳食晏。頭盤叫左尼哥沙律，吞拿魚好新鮮，夾埋鶕鶉蛋，非常清爽。麵包新鮮烤製，百吉包外脆肉軟，口感鬆化而芝士條則卜卜脆。再黎嘅係忌廉南瓜湯。個湯好creamy同埋濃味，而入便仲有幾隻蝦，surprise ! 主菜揀咗三文魚，三文魚約八乘熟，唔會太heavy。可能之前飲咗個湯，所以覺得味道冇咁明顯。甜品係朱古力杏仁餅同埋朱古力粟子卷。我揀咗朱古力杏仁餅。味道唔係太濃同埋唔係太漏，抵讚。最後上嘅係咖啡，但稍覺略淡。總的來講，以呢個價錢有不錯嘅服務同埋有水準嘅食物，算係物有所值。