Video
Read full review
2025-01-08
130 views
《神虎麺商店》海魚🐟拉麵🍜 (期間限定)📍大角咀埃華街74號大同新邨大成樓地舖經拉麵關注組睇返來，知道神虎有做一款魚拉麵，而食評都唔錯，期間限定，每日限量 30 碗，一於試試！香味 (2.5/5)聞落唔算特別香，主要都係煎香左，淡淡然嘅魚香味。湯 (3/5)個湯清澈，滑順，鹹度甜度剛好，夠熱，基本面做得好好，不過唔太食得出個基底用咩去煲。只能夠講味道係討好的。麵條 (4/5)中細麵與中太麵之間，直身，偏白色。非常滑溜，應該係高加水麵。都算爽滑彈牙，好食。配料 (5/5)做得海魚拉麵，主角當然以塊魚肉為主角。魚類係黃立䱽，有兩塊，一塊背肉，一塊腩肉，非常大塊，煎得夠香，夠晒滿足！魚夠鮮，調味唔重，淡淡地，主要靠魚本身嘅鮮味為主。我認為非常滿足。豬叉燒方面，應該係豬肩肉。口感比較扎實，甘香，肉味濃。另外，蔬菜方面佢用嘅係皇帝菜，少見嘅，不過呢吓我覺得佢都幾博，因為皇帝菜同茼蒿菜味道接近，我個人來講係鍾意，但點都會有班人會唔接受呢隻味。整體 - 值得推薦 👍👍👍我認為如果佢個香味同湯底可以再突顯多d魚味，例如好似煮干湯咁做，用多d魚乾去煲，可能效果會更好。不過因為佢個魚肉大塊又好食，以而家個
📍大角咀埃華街74號大同新邨大成樓地舖
經拉麵關注組睇返來，知道神虎有做一款魚拉麵，而食評都唔錯，期間限定，每日限量 30 碗，一於試試！
海魚🐟拉麵🍜 (期間限定)
$148
0 views
0 likes
0 comments
香味 (2.5/5)
聞落唔算特別香，主要都係煎香左，淡淡然嘅魚香味。
湯 (3/5)
個湯清澈，滑順，鹹度甜度剛好，夠熱，基本面做得好好，不過唔太食得出個基底用咩去煲。只能夠講味道係討好的。
麵條 (4/5)
中細麵與中太麵之間，直身，偏白色。非常滑溜，應該係高加水麵。都算爽滑彈牙，好食。
配料 (5/5)
做得海魚拉麵，主角當然以塊魚肉為主角。魚類係黃立䱽，有兩塊，一塊背肉，一塊腩肉，非常大塊，煎得夠香，夠晒滿足！魚夠鮮，調味唔重，淡淡地，主要靠魚本身嘅鮮味為主。我認為非常滿足。
豬叉燒方面，應該係豬肩肉。口感比較扎實，甘香，肉味濃。
另外，蔬菜方面佢用嘅係皇帝菜，少見嘅，不過呢吓我覺得佢都幾博，因為皇帝菜同茼蒿菜味道接近，我個人來講係鍾意，但點都會有班人會唔接受呢隻味。
整體 - 值得推薦 👍👍👍
我認為如果佢個香味同湯底可以再突顯多d魚味，例如好似煮干湯咁做，用多d魚乾去煲，可能效果會更好。不過因為佢個魚肉大塊又好食，以而家個狀態已經足夠令人滿足。
Other Info. :
個店員(女)，態度都幾差，唔微笑，黑口黑面，一入去唔講野，我話一位，佢手指指個 bar 枱位示意我坐呢道，問佢野佢答一兩個字回應，好悔氣，呢下要彈吓。不過一件事還一件事，碗拉麵好好食。
(The above review is the personal opinion of a user which does not represent OpenRice's point of view.)
Post
