甘牌燒鵝

Open Now

Now Closed

路過見到，竟然唔洗排隊？！ 即刻入去試試。 老闆應該幾有家庭觀念，亦有人情味，連燒鵝師父個樣都畫埋落去。叫個上庄試下。本來想試埋鳳肝，但晚上六時已經沽清了。望落唔錯都算多肉個底仲有d蠔油豆，好懷舊講番隻鵝，個皮真係香到不不得了，有陣炭燒味！除左係澳門JW食過片皮鴨食過呢陣炭燒香之外，今次再食到，外皮仲係保持到脆身！肉汁非常甘香！就算底下部份都好多肉！食燒鵝係油嫁喇，但佢d油非常咁香，咁先食得有價值！個汁真係超正，叫左碗白飯撈晒佢個汁！個撈面都係超正，功夫非常到家！完全無簡鹼水味，又彈牙，仲要中間剪左一刀，方便食客，好多時係老麵家先會做，呢個麵真係一流，好難得！！ 配既湯仲好重胡椒味，非常夾！唯一係，我地隻腳放係枱底個庄時，油到跣腳。估唔到燒鵝上庄有油，張枱個下庄都呼應番。