福岡漢堡扒 (厚福街) (Closed)

這間位於厚福街的餐廳，每次經過都話想試，但每次都見到有人排隊，所以就冇食！難得星期日早上就出尖沙咀行街，lunch一於試試！餐廳以長枱為主，每枱大概可以坐6人左右。這裡主要食漢堡扒，也有其他飯類供客人選擇!每份漢堡扒都會包括飯、麵豉湯、配菜同埋沙律！沙律菜用上日式芝麻醬拌勻，味道新鮮又夠開胃!配菜有泡菜，辣辣的，幾美味!漢堡扒有分大中小的，枱上有一個小小抽油煙機，將石頭位置對住，就不怕成身都是油煙味！食果陣整到細細份放於石頭上燒，香氣四溢，十分美味!芝士蛋和牛漢堡扒，這份漢堡扒點了大份，芝士燒到溶溶地，牛肉好香口，肉味濃郁！而漢堡扒下的蛋燉滑又有芝士，好正呀!墨西哥辣椒和牛漢堡扒，點了中size的漢堡扒，想不到這款那麼惹味，墨西哥辣椒都幾辣，跟漢堡扒一齊食非常刺激味蕾，加上還有辣醬，令味道更突出！