形 (大涌橋路)

Open Now

Now Closed

支持留港消費，住沙田區的我突然想食串燒，點知比我搵到呢間「形」餐廳，原來佢有多間分店，我當然選擇去同區的一間，住在沙田區多年，甚少去麗豪酒店這邊，發現原來有呢間餐廳，於是乎用 open rice 訂座，可能我入座時間尚早，都未有其他客，場內地方雖小，但環境光猛，空間感亦大，有張美式桌球枱比食客免費玩，亦有兩部驃機，七點後都有客入座，而且有小朋友，有人選擇掟驃，亦有人選擇玩桌球，場內亦播放 R&B 歌為主，不知道是否版權問題不能播放廣東歌，但不算嘈吵，可以傾到偈，Relax 飲兩杯食串物十分不錯選擇轉入正題講食物，我非常有驚喜，因為我不喜歡很多串燒店經常落孜然粉辟味，令到食物全部只有孜然粉味道，這店全部串物都不加孜然粉，雞腎、墨魚丸、雞翼、台灣腸、豬頸肉全部無雪味，令我食過翻尋味，最出色係錆魚，又大條又唔腥又多肉，我真係會再去幫襯，唔信你地又去試下啦