Video
Read full review
2024-11-12
0 views
老友仔仔生日，我連埋囡囡一行4打算同佢食生日飯，話說小壽星近期好鍾意Chiikawa公仔，不過買一個公仔蛋糕又食飯，又會食唔哂，網上睇到Homeland 嘅甜品+畫碟好靚，於是決定去果度食飯慶祝👏我哋叫咗個handmade pizza set $398/2位，set入面包Pizza，餐湯x2，沙律同埋小食。Pizza 揀咗 松露牛肝菌雞肉芝士薄餅，pizza 超足料，牛肝菌嘅香加埋接絲芝士，超好食餐湯我地叫左黑松露牛肝菌蘑菇湯同法式龍蝦海鮮濃湯(+22蚊) 各一，兩款都超濃郁，小朋友好鍾意飲；沙律就係煙三文魚凱撒沙律(+18蚊) ，而小食就要左香脆炸薯條🍟我哋另外點左2個Child meal ($78/Set)，有3款可以揀，配以炸雞塊，哈哈笑酱餅，果凍，雜果，仲有橙汁/蘋果汁，連擺餐嘅車仔顔色都可以揀❤️而全晚最期待嘅環節，甜品點咗半份（因為真係已經好飽）開心果奶蓋巴斯克芝士蛋糕，開心果味好濃，加埋奶蓋唔太漏，感覺啱啱好，而寫字畫碟，只要加$35蚊就有，當然係老友仔仔大愛❤️嘅Chiikawa系列，畫得真係超靚❤️ (不過要留意返，餐廳會提前安排好寫字畫碟甜品，所以要預先將「寫字畫碟」嘅文
老友仔仔生日，我連埋囡囡一行4打算同佢食生日飯，話說小壽星近期好鍾意Chiikawa公仔，不過買一個公仔蛋糕又食飯，又會食唔哂，網上睇到Homeland 嘅甜品+畫碟好靚，於是決定去果度食飯慶祝👏
我哋叫咗個handmade pizza set $398/2位，set入面包Pizza，餐湯x2，沙律同埋小食。
Pizza 揀咗 松露牛肝菌雞肉芝士薄餅，pizza 超足料，牛肝菌嘅香加埋接絲芝士，超好食
餐湯我地叫左黑松露牛肝菌蘑菇湯同法式龍蝦海鮮濃湯(+22蚊) 各一，兩款都超濃郁，小朋友好鍾意飲；沙律就係煙三文魚凱撒沙律(+18蚊) ，而小食就要左香脆炸薯條🍟
我哋另外點左2個Child meal ($78/Set)，有3款可以揀，配以炸雞塊，哈哈笑酱餅，果凍，雜果，仲有橙汁/蘋果汁，連擺餐嘅車仔顔色都可以揀❤️
而全晚最期待嘅環節，甜品點咗半份（因為真係已經好飽）開心果奶蓋巴斯克芝士蛋糕，開心果味好濃，加埋奶蓋唔太漏，感覺啱啱好，而寫字畫碟，只要加$35蚊就有，當然係老友仔仔大愛❤️嘅Chiikawa系列，畫得真係超靚❤️ (不過要留意返，餐廳會提前安排好寫字畫碟甜品，所以要預先將「寫字畫碟」嘅文字俾餐廳，英文字要26個 字內
餐廳仲會影即影即有送俾壽星，唔怪得之食飯期間發現唔少人慶祝生日，囡囡話佢生日都要嚟到慶祝🤣
Post
