Papabubble

Open Now

Now Closed

生日和家人參加這裏的整糖班，老師和員工非常友善和禮貌，好詳細介紹自己的工作，又俾我哋狂影相，我哋未報班之前，有兩次經過找他們傾談，都好肯同我哋講嘢。今次是整西班牙手工糖（有公仔圖案的），因為有兩個人一齊做，佢哋俾我哋每人各一款不同的款式，好開心咁就可以有兩款圖案整了，成個整糖過程好好玩，我哋的參與度好高，導師好細心，又肯俾我哋狂影相拍片，好nice，整糖唔算難，應該小朋友都做得到，而且每個過程老師都會執手尾，個成品最後都可以整到好靚，係最後切糖比較難控制，我攪到啲糖一大一細，又斜左咁，一看就知係自己整，不過因為量多，總可以找到啲見得人的，而老師又好好咁送埋個糖頭俾我哋，可以收藏，好靚，影相又夠大粒。今次真係一個開心快樂的體驗，一定會介紹朋友去。