Video
Read full review
2016-03-02
1276 views
星期日，屋企人過嚟堅尼地城同我食brunch，我地決定入去呢間門口又花又單車嘅半新餐廳。坐低，地方非常闊落，唯一係d 音樂比較大聲，加上d 人被逼大聲講嘢，所以比較嘈。先叫杯Latte $40，非常有水準，咖啡同奶香味兩者兼具，而且好平衡，絕對唔係hea你，同附近嘅coffee shops 有得鬥。我自己喺門口已經決定叫 breakfast burrito $110，呢個喺Oolaa 食過覺得好正，想試下呢間點。薄薄嘅餅皮，包住炒蛋、煙肉、salsa、牛油果、同埋豆。炒蛋生熟啱啱好，加埋牛油果嘅creamy，又有煙肉嘅脆，salsa 嘅refreshing，最驚喜係平時我覺得係負累嘅豆，竟然係粒粒分明有咬口，好新鮮。呢個集多種唔同口感嘅材料一身，非常有層次，而每種都高水準，絕對驚喜之作。屋企樓下有佢，唔使再去Oolaa lu.跟住開始偷食，先係家姐嘅Avocado Smash $95. 基本上就係牛油果醬撻落多士度，另加兩塊煙肉。但係佢每樣材料都fresg - 多士同煙肉都係脆嘅，而牛油果醬加入咗檸檬酸味，啱啱中和煙肉嘅油同鹹，真係正。跟住媽咪嘅Big Breakfast $145。一
坐低，地方非常闊落，唯一係d 音樂比較大聲，加上d 人被逼大聲講嘢，所以比較嘈。
先叫杯Latte $40，非常有水準，咖啡同奶香味兩者兼具，而且好平衡，絕對唔係hea你，同附近嘅coffee shops 有得鬥。
我自己喺門口已經決定叫 breakfast burrito $110，呢個喺Oolaa 食過覺得好正，想試下呢間點。薄薄嘅餅皮，包住炒蛋、煙肉、salsa、牛油果、同埋豆。炒蛋生熟啱啱好，加埋牛油果嘅creamy，又有煙肉嘅脆，salsa 嘅refreshing，最驚喜係平時我覺得係負累嘅豆，竟然係粒粒分明有咬口，好新鮮。呢個集多種唔同口感嘅材料一身，非常有層次，而每種都高水準，絕對驚喜之作。屋企樓下有佢，唔使再去Oolaa lu.
跟住開始偷食，先係家姐嘅Avocado Smash $95. 基本上就係牛油果醬撻落多士度，另加兩塊煙肉。但係佢每樣材料都fresg - 多士同煙肉都係脆嘅，而牛油果醬加入咗檸檬酸味，啱啱中和煙肉嘅油同鹹，真係正。
跟住媽咪嘅Big Breakfast $145。一上，咁多嘢嘅？除咗menu 有提嘅牛扒煙肉腸蛋多士番茄同茄汁豆，仲有蘑菇薯餅同菠菜，係咪傻架？不過，佢塊牛扒真係麻麻地，未至於韌但一d 都唔嫩滑。我覺得不如冇咗仲好，反正冇咗佢，碟嘢都依然係超多嘢食。煎蛋都算好嘅，不過叫咗over easy，嚟咗 over medium，好彩蛋黃都仲係流心。其他冇試唔評。
老豆食素，所以叫咗 Corn Fritters $110，而將原本撈入去嘅三文魚另上俾我哋。三文魚正常冇乜驚喜，個corn fritters 係粟米粒造成嘅餅，夾住牛油果醬，番茄，芝士，上面仲多咗隻menu 冇寫嘅poached egg，睇落好靚，我就淺嚐咗d 粟米幾甜幾多汁咁，唔係太多嘢可以講。
總括嚟講，水準非常高，以百零蚊嘅價錢，絕對超值，可以經常encore。(可惜架車俾人抄咗牌)
Latte (飲咗啖)
$40
73 views
0 likes
0 comments
Big Breakfast
$145
117 views
1 likes
0 comments
Corn Fritters with salmon (特別要求另上)
$110
100 views
0 likes
0 comments
Avocado Smash
$95
121 views
1 likes
0 comments
Breakfast Burrito
$110
113 views
1 likes
0 comments
Post
