小包包

Open Now

Now Closed

包包食得多，依間確係俾到驚喜，中式饅頭西式演繹，用心製作交足功課，咬落一啖驚喜一啖滿足，令人印象深刻。餐廳地方細細，好在有位坐在Bar檯，望住廚師用心製作，一點也不馬虎呀，食物美味價錢合理，值得一試。沙薑薯條 $88薯條幼身，炸得香脆唔油膩，灑上沙薑粉非常惹味，再蘸上沙薑沙律醬，沙薑味更突出，作為佐酒小食一流。LB凱撒沙律 $78平時食開的中式小菜豆豉鯪魚油麥菜，突然變左沙律真係好神奇。鯪魚變左蒜片咁脆卜卜，油麥菜清新爽脆，以鯪魚打成豆豉白芝麻醬汁，帶出鹹鮮味，實在不可思議。招牌豬腩包 $98慢煮豬腩肉厚身邪惡又好食，肉質軟腍入味，食落唔覺肥膩，配以刈包口感軟熟，餡料有大蔥、紫蘇葉、醃洋蔥、開胃酸瓜等配料和加上美味芝麻醬和海鮮茄汁，口感味道豐富，好味好味值得一食。韓式煎餅 $128煎餅表面脆薄香口，完全唔厚粉，色澤橙紅來自辣油，就咁食好夠味，餡料好多韮菜和煎得夠死，拎上手食會更好味架。榛子意式雪糕包 $48雪糕朱古力味濃郁加榛子醬，味道更有層次，亦唔會好甜，配上小炸包好脆有如食churros的感覺，幾特別的體驗。鹽味雪糕包 $48鹽味雪糕加焦糖都好好味，鹹鹹甜甜搭配得宜，個人十分鐘意。