Video
Read full review
2025-01-25
0 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗朋友想食韓式炸雞，我哋去咗最多韓國餐廳嘅金巴利道搵食，行咗一陣都未諗到食邊間，就繼續行，行到去比較細嘅金巴利街，見到呢間舖面係黑色金色嘅韓國餐廳好吸引眼球，望完 menu 感覺唔錯，就入去試吓！朋友要食炸雞，就一定會叫，就由佢發板，我自己覺得呢幾日，夜晚都凍凍哋，想飲個暖笠笠嘅湯，就叫咗個參雞湯。🍴參雞湯（$158）其實仲有其他湯揀嘅... 例如豆腐湯、泡菜湯、牛肉大醬湯，但睇開我社交平台嘅人都知，我都會煮D 韓國嘢食，呢類嘅湯我都煮到，就梗係揀我唔識整嘅參雞湯啦～ 個湯先上，非常熱辣辣，湯底有種黏黏嘅膠質感，用筷子一夾，直接骨肉分離。先試咗個湯，飲落去口感比較厚身，有種濃郁嘅感覺，但個味唔會調得好鹹（或者可能佢根本冇再落調味），就係似雞湯原味直出，比起用調味搭夠嘅，真材實料好多！雞肉非常嫩滑，連雞胸肉都唔會嚡，最勁嘅係，佢連雞骨都煲到軟化咗，即係除咗比較大嘅雞骨外，其他係可以食埋！最靚笑係，我食雞翼位，係根本攞唔返舊骨出嚟，一咬已經食埋！呢種連骨都煲到可以食嘅狀態，我響韓國食都未遇過～ 呢個湯好正！🍴半半炸雞 (有骨) ($238)食
回頭指數 ⭐️⭐️⭐️⭐️
開心指數🤗🤗🤗🤗
朋友想食韓式炸雞，我哋去咗最多韓國餐廳嘅金巴利道搵食，行咗一陣都未諗到食邊間，就繼續行，行到去比較細嘅金巴利街，見到呢間舖面係黑色金色嘅韓國餐廳好吸引眼球，望完 menu 感覺唔錯，就入去試吓！
朋友要食炸雞，就一定會叫，就由佢發板，我自己覺得呢幾日，夜晚都凍凍哋，想飲個暖笠笠嘅湯，就叫咗個參雞湯。🍴參雞湯（$158）
其實仲有其他湯揀嘅... 例如豆腐湯、泡菜湯、牛肉大醬湯，但睇開我社交平台嘅人都知，我都會煮D 韓國嘢食，呢類嘅湯我都煮到，就梗係揀我唔識整嘅參雞湯啦～
個湯先上，非常熱辣辣，湯底有種黏黏嘅膠質感，用筷子一夾，直接骨肉分離。先試咗個湯，飲落去口感比較厚身，有種濃郁嘅感覺，但個味唔會調得好鹹（或者可能佢根本冇再落調味），就係似雞湯原味直出，比起用調味搭夠嘅，真材實料好多！雞肉非常嫩滑，連雞胸肉都唔會嚡，最勁嘅係，佢連雞骨都煲到軟化咗，即係除咗比較大嘅雞骨外，其他係可以食埋！最靚笑係，我食雞翼位，係根本攞唔返舊骨出嚟，一咬已經食埋！呢種連骨都煲到可以食嘅狀態，我響韓國食都未遇過～ 呢個湯好正！
參雞湯
$158
0 views
0 likes
0 comments
🍴半半炸雞 (有骨) ($238)食炸雞我自己比較鍾意食有骨，雖然會麻煩D，但會好味D。個參雞湯差唔多食完，個炸雞就嚟，時間啱啱好！今次揀咗紫菜脆脆炸雞，同埋青陽辣椒 Mayo炸雞，炸雞份量足，先試紫菜脆脆炸雞，我暫時未響其他店食過呢隻味，上面有幾塊炸脆咗嘅紫菜，好香口，我揀咗食放響面嘅雞翼，一咬落去，雞翼面嘅味料同紫菜碎跌到一檯都係😂 個皮炸得夠香脆，雞肉夠滑（咁雞翼係好難唔滑嘅），好惹味，正！食完餐飯會見到檯面係 tasty 式摎挍，因為一檯都係碎，但係會好開心！跟住試青陽辣椒 Mayo炸雞，mayonnaise 本身已經好邪惡，混入咗青陽辣椒嘅mayonnaise 辣得好過癮，係魔鬼級嘅誘惑，不過，如果你係唔食得辣嘅，就唔好揀呢款，因為算係幾辣嘅～ 呢款揀咗雞胸肉食，雞肉好juicy 嫩滑，亦都好入味，掂👍
半半炸雞 (有骨)
$238
0 views
0 likes
0 comments
因為食炸雞點都想飲凍嘢，我又唔係啤酒人，而對於罐裝汽水同韓式忌廉鮮奶呢類缺乏興趣，就試吓佢嘅 ade series～🍴梅子梳打（$28）🍴西柚梳打（$28）
兩款梳打都幾好飲，雖然冇原粒嘅梅子或者新鮮西柚響入面，不過味道夠濃，唔會淡茂茂，配炸雞真係一流！
埋單嘅時候，覺得嗰個係似老闆嘅韓國人，我忍唔住問佢個參雞湯煲咗幾耐，點解可以煲到連雞骨都溶化咗？🤔老闆係一口流利英語，話個湯係煲咗6個鐘以上，同埋用咗一個傳統做法（當然冇話我知），所以雞肉好易離骨，同埋佢哋見到有太大嘅骨都會攞走咗，呢種秘方可能就係佢哋獨有呱～成餐飯食得好滿足又開心，所以大家去韓國街搵食，都可以試吓行去偏離大街嘅小街入面，可能會有驚喜！
Post
