Bingo & Cook (港匯廣場)

Open Now

Now Closed

行到入呢度，感覺就好似去咗韓國咁，室外位置係韓式街頭布帳馬車，室內空間感大、座位亦好濶落，牆上有很多手繪畫，加上播放著k-pop音樂好有feel。餐廳由韓國人主理，用QR code落單，菜單多選擇，有圖睇好方便，下單後上菜速度快，服務也不錯。🔶醬油蝦（連飯）醬油蝦有7 隻，每隻都好大隻肥美，醬油汁調味唔會過鹹又醃得好入味，蝦肉鮮甜富彈性，連埋蝦頭嘅膏送飯一流🤩🔶甜辣炸雞+香腸年糕串（半份）韓國炸雞咁出名一定要試吓，炸雞很香脆，做到皮脆肉嫩，淋上甜辣醬更滋味， 再配上一串香腸年糕，香腸幾香口年糕煙靭。🔶Bingo 特製沙律🥗估唔到呢個沙律咁大份，底下放滿羽衣甘藍、沙律菜等，中間層有粟米梨蓉，增加甜味，最上面就是炒香過的菇類，成個沙律好豐富好清新。🔶原味韓式炒年糕年糕份量好多質地好煙韌，魚糕吸盡個醬汁精華，韓式拉麵配醬汁辣辣地好惹味，呢個一定一定要趁熱食。🔷Mango Smoothies🔷Tangerine 🍊 Smoothie 兩杯飲品都好靚，很消暑解渴。