李家 (海壩街)

Open Now

Now Closed

去到荃灣好多美食選擇，本來諗住同朋友去食米線，不過午飯時間實在太多人，見到附近有間韓國菜李家，其實想試好耐😎，聽講係元祖級炸雞，即管去試下。接待我哋嘅係一個正宗韓國人，即刻信心大增！💪🏻💪🏻一坐低見到周圍每檯都好多人點炸雞，我哋當然唔好錯過，要試真啲個炸雞🐓好唔好食，最好嘅就點原味。餐牌上有雙拼嘅選擇另一半我哋揀咗最出名嘅甜辣味，炸雞分量差唔多係一隻全雞！🍂天氣轉涼叫返一個熱辣辣嘅韓國湯窩，點咗一個好特別嘅 牛膝骨湯鍋 湯底濃郁 人參味好重🍲，味道鮮甜帶甘，好重骨膠原，牛膝骨口感有咬口，加入白飯變湯飯最後驚唔夠飽，叫多一個韓式泡菜餅，外脆口感煙韌。