GALBI TOWN

Open Now

Now Closed

最近去左一間韓國人主理既韓國菜餐廳，餐廳佔地超過8000呎，環境非常寬敞，裝修以白色為主調，感覺非常乾淨、明亮。點餐直接用平板電腦下單，非常方便和現代化。餐廳最特别之處就係有阿豬媽幫手燒肉，服務貼心，不同肉類會使用不同網和鐵板來烤製，保持每種肉既最佳口感。醬油蟹選用韓國新鮮既花蟹，配以特製既醬油醃製，蟹肉鮮甜多汁，醬油既鹹香和蟹肉既鮮美完美結合，蟹肉配搭伴飯一齊食，特別推介。調味特選牛肋骨肉用左櫻花蜂蜜來醃製，牛肋骨肉經過醃製後肉質變得更加鮮嫩，外層烤至微微焦脆，內層多汁柔嫩。韓牛新鮮肉眼韓牛由韓國直送，質量有保證，上面 QR code 有韓牛證書，肉眼烤至外層焦香，肉質細膩，充滿豐富既油脂香。