Video
Read full review
2024-04-25
387 views
問韓國同事香港有咩韓國餐廳食過覺得好食既因為我好中意韓食 想搵正宗既韓國餐廳但香港大多都好伏 完全比唔上真正係韓國食正宗又好食既可能好貴 但貴既又唔敢試驚又貴又唔好食揼心口佢其中一間推薦我既就係依間 不過佢有講明係偏貴但都想試下！重頭戲一嚟就梗係點我朝思暮想既生牛肉！《高級韓國生拌牛肉》$258好・新・鮮！係香港食過好幾次韓國生牛肉 啲肉色又暗啞又溶唔哂冰 又冇鮮味 通常都係撈埋唔同既醃醬料掩蓋生牛唔生鮮睇見都唔敢食太多 重點係生牛肉價錢唔平但依到既生牛肉完全唔會令人失望！肉色紅潤冇騷味 自信地同其他配料分開放佢Menu有一個平啲既生牛肉簡但因為我見得依個有配梨 生牛肉一定要配梨先正所以就簡左個貴既 雖然好貴 但份量好大碟又生鮮好味 完全冇令人失望店員有提我要盡早食完 (因為我食食下又食其他野)佢以為我唔識食又好心幫我撈埋碟上配料但其實我中意分開食 同唔中意撈生蒜食不過因為生蒜有殺菌功效 所以都唔緊要《石板韓式海鮮炸醬麵》$198話說自從我係韓國食過一次正宗炸醬麵好食到清哂碗上既醬汁一滴不剩就成日想係香港搵好食既炸醬麵但都搵唔到而我男友就一直都唔中意食炸醬麵因為佢從來都未食過好食既炸醬
因為我好中意韓食 想搵正宗既韓國餐廳
但香港大多都好伏 完全比唔上真正係韓國食
正宗又好食既可能好貴 但貴既又唔敢試
驚又貴又唔好食揼心口
佢其中一間推薦我既就係依間 不過佢有講明係偏貴
但都想試下！
重頭戲一嚟就梗係點我朝思暮想既生牛肉！
《高級韓國生拌牛肉》$258
2 views
0 likes
0 comments
好・新・鮮！
係香港食過好幾次韓國生牛肉 啲肉色又暗啞
又溶唔哂冰 又冇鮮味
通常都係撈埋唔同既醃醬料掩蓋生牛唔生鮮
睇見都唔敢食太多 重點係生牛肉價錢唔平
但依到既生牛肉完全唔會令人失望！
肉色紅潤冇騷味 自信地同其他配料分開放
佢Menu有一個平啲既生牛肉簡
但因為我見得依個有配梨 生牛肉一定要配梨先正
所以就簡左個貴既 雖然好貴 但份量好大碟
又生鮮好味 完全冇令人失望
店員有提我要盡早食完 (因為我食食下又食其他野)
佢以為我唔識食又好心幫我撈埋碟上配料
但其實我中意分開食 同唔中意撈生蒜食
不過因為生蒜有殺菌功效 所以都唔緊要
《石板韓式海鮮炸醬麵》$198
0 views
0 likes
0 comments
話說自從我係韓國食過一次正宗炸醬麵
好食到清哂碗上既醬汁一滴不剩
就成日想係香港搵好食既炸醬麵但都搵唔到
而我男友就一直都唔中意食炸醬麵
因為佢從來都未食過好食既炸醬麵
睇韓劇成日見到啲韓國人食得津津有味
佢唔理解點解我地覺得炸醬麵好食
但因為我想試所以都係點左～
當我重埋頭食梗我既生牛肉時
麵嚟到佢自己走去夾嚟食
然後佢好驚奇地同我講：依個.....係好食既炸醬麵...
我雙眼發亮即刻去試下
真係好接近我以前係韓國食過既味！！！
然後本身唔中意食炸醬麵既男友自己食得津津有味
5 views
0 likes
0 comments
枱上另外有個白碗本身唔知係要嚟做咩
因為本身自己有碗碟
原來係專for食炸醬麵既碟
店員又好熱心幫我地夾入碗 擺靚靚 滿滿儀式感
1 views
0 likes
0 comments
韓食不少得滿滿小配菜
因為食炸醬麵配黃色甜蘿蔔係絕配的
但依到既小配菜得白蘿蔔
所以我問店員會唔會有甜蘿蔔配炸醬麵
佢話我識食喎（店員大部分韓國人，我用韓語溝通）
然後話因為佢地用白蘿蔔所以冇甜蘿蔔
所以佢偷偷拎左自己私夥野比我 超感動🥹
不過可惜佢個甜蘿蔔唔算係我中意果隻味
唔夠甜 但我都有食哂去唔好浪費店員一番心意
佢重有個超可愛迷你飯
比我地食完炸醬麵撈入啲醬到食
我真係好想食
但因為太飽食唔落 因為每樣份量都好多
《辣味肥牛豆腐湯配飯》$98
係好正宗的韓式豆腐湯 都幾辣下
係男友中意既韓食 好好味
都係因為太飽 想食多啲都食唔落 所以冇細嘗
但男友清哂食得好開心
7 views
0 likes
0 comments
《柚子梳打》$38
飲品樽好有誠意 係開罐膠樽
成間店都係滿滿車銀優但係我對佢無感🙈
btw柚子梳打足料
店員又驚我飲唔到入面啲柚子幫我搖混勻倒入杯
6 views
0 likes
0 comments
雖然確實如韓國人所說真係唔平
(因為係韓國食絕對平好多)
但香港食到咁既正宗韓國料理質素
而且份量大都算抵食
2個人食唔到咁多又想試多啲
好內未試過好飽好飽都依然想繼續食
好可惜自己咁快飽而食唔哂啲野
所以依個價錢都值得
貴唔緊要 最緊要好食就值得！
一定會同朋友再嚟～多啲人試多啲野～
Post
