吉列牛忌廉烏冬專門店 (彌敦道) (Closed)

在太子練完空中瑜伽 去了旺角彌敦道726搵食，揀咗17 樓呢間韓國餐廳，有韓日特色料理都幾多選擇。叫咗個套餐：吉列牛定食+咖喱忌廉烏冬呢兩款都係佢地招牌熱門菜式當然要試吓。🧡吉列牛定食🧡吉列牛的份量都多有十幾片，牛的脂肪雖然唔算多但係燒完後食落去個肉質幾嫩，最正係可以自己放在石板燒控制生熟程度，我自己鍾意加少許牛油輕輕燒下兩面大約7成熟就夠，仲可以加黑松露醬，再沾上佢哋配的醬汁，松露香加埋牛肉味濃真係好好食。定食仲有味噌湯、米飯🍚、麻醬豆腐、蕃茄。🧡咖喱忌廉烏冬-雞肉🧡呢碗一上枱成個面都係忌廉，估唔到呢個忌廉烏冬食落去又一啲都唔會膩，而係比平時食烏冬更加滑帶少許咖喱香，仲有好多雞肉洋蔥藏在底，雞肉都嫩滑。套餐本身係包汽水，我哋升級加錢揀咗另外兩款特飲，飲品賣相都幾靚。🔸Rose Garden 🔸綠茶Latte