福岡漢堡扒 (厚福街) (Closed)

於韓國有超過30間分店既「福岡漢堡扒」登陸尖沙咀喇！石燒牛扒在香港已經成行成市，這間並非普通牛扒而係波波漢堡扒，睇個樣已經夠特別啦。初初都覺得好奇怪🤔又話🇰🇷韓國人氣食品點解個名又叫🇯🇵福岡既？！🧐原來創辦人去過福岡食石燒漢堡扒覺得非常好味，於是不斷鑽研製作技巧，其後2012年於首爾開業。餐牌有六款波波漢堡扒套餐，仲有大中細不同份量既波波選擇，每個套餐都有一個麵豉湯🥣一個沙律🥗一碗白飯🍚仲有泡菜、糖、豉油俾你調味添，價錢由幾十蚊到百二蚊左右，超值。我點左呢個係芝士蛋和牛漢堡，味道唔錯👍一開始舊石好熱🔥整小小落去煎好快就熟，舊石會隨着時間冷卻❄️職員會過來幫你換舊新石，見到職員都好主動幫客人換石。我地當日傍晚六點半去食都仲好多位，到七點幾已經高朋滿座，之後就開始要排隊等位喇，簡值係疫市奇景。