DAMUN韓國料理 (Closed)

聽朋友介紹呢間餐廳韓國人開夠正宗所以嚟一試，餐牌上菜色賣相吸引，友人想食部隊鍋而我就選了雜錦煎餅！等食時有3款前菜同泡菜食住先，要特別一讚個泡菜，鮮甜爽口，同平時食開嘅唔同！煎餅係韓國大廚喺酒吧位置即叫即煎，熱辣辣香噴噴，款式好多，配埋個帶辣嘅豉油味道好夾。個部隊鍋係有個爐仔放喺我地面前煲嘅，同喺韓國食一樣，，睇住煲嘢由清湯變紅湯，入面料好多，湯底好好味，我哋忍唔住加多個麵清晒！哈哈！因為得兩個人，仲有好多嘢想試，已經打算下次想食韓國菜時再來。