生生市場 (永德大廈)

Open Now

Now Closed

今日去咗SOGO超市 Shopping 之時，見到d泡菜好想買來食，突然醒起其實鵝頸橋附近的「生生市場」有得賣，而且價錢更便宜及新鮮，於是我又再過嚟買啦！呢度雖然店舖一眼睇晒，但係就有幾位店員招呼客人，而且態度殷勤，知道我一心來買泡菜，主動介紹我有唔同款式選擇，結果我揀咗一個比較甜嘅味道，叫做新鮮辣泡菜。另外我也買了韓式炒粉絲、烤牛肉紫菜飯卷、雜菜煎蛋卷及涼拌菠菜回家，之前食過好好味，今次再食都仍然保持水準！特別介紹今次買了韓國直送的飲品，分別係韓國梨汁及菠蘿汁，唔使去飛去韓國都飲到呢！