Video
Read full review
2021-12-22
1515 views
相信大家食唔少韓式炸雞，而烤雞香港有一間都有唔小分店，但大家有冇食過韓式嘅燉雞？因為今次介紹嘅係韓國嘅過江龍燉雞代表。鳳雛燉雞係一間16年12月喺香港開業嘅韓國過江龍餐廳，係韓國有唔少嘅分店，店舖分布喺明洞、鐘路、弘大等地區，可以話係韓國嘅第一燉雞，餐廳主打韓式傳統燉雞，做法同韓國一樣，醬汁都係由韓國直送，令到大家食到韓國嘅原汁原味。燉雞其實係韓國慶尚道安東嘅傳統料理，融合咗雞肉嘅鮮甜同埋辣椒，用醬油做底，加入已經煮熟咗嘅雞肉、香菇、紅蘿蔔、薯仔等蔬菜，燉煮而成，最後放Q彈既寬冬粉，吸收濃厚嘅醬汁，味道夠重口味，送飯一流。而呢度嘅招牌鳳雛燉雞，有細、中、大辣可以揀，份量夠一大班人食。餐廳係喺旺角既一個商業大廈上面，之前喺呢度食過韓燒同埋越南菜，夜晚七點嚟到都唔算好多人，仲可以坐到卡位，座位大概有80個，座位都幾闊落坐得舒服。餐廳仲有好大塊落地玻璃，如果係日頭應該會望到旺角繁忙嘅街，聽講餐廳嘅設計都係參考返韓國。餐廳都係由韓國人主理，就連店面嘅服務員都係韓國人。打開Menu可以睇到第一頁就係招牌嘅鳳雛燉雞，可以加唔同既配料，之後係炸雞、韓式主食，仲有米酒、燒酒。-1️⃣ 前菜 💰0（👅: 7
鳳雛燉雞係一間16年12月喺香港開業嘅韓國過江龍餐廳，係韓國有唔少嘅分店，店舖分布喺明洞、鐘路、弘大等地區，可以話係韓國嘅第一燉雞，餐廳主打韓式傳統燉雞，做法同韓國一樣，醬汁都係由韓國直送，令到大家食到韓國嘅原汁原味。燉雞其實係韓國慶尚道安東嘅傳統料理，融合咗雞肉嘅鮮甜同埋辣椒，用醬油做底，加入已經煮熟咗嘅雞肉、香菇、紅蘿蔔、薯仔等蔬菜，燉煮而成，最後放Q彈既寬冬粉，吸收濃厚嘅醬汁，味道夠重口味，送飯一流。而呢度嘅招牌鳳雛燉雞，有細、中、大辣可以揀，份量夠一大班人食。
餐廳係喺旺角既一個商業大廈上面，之前喺呢度食過韓燒同埋越南菜，夜晚七點嚟到都唔算好多人，仲可以坐到卡位，座位大概有80個，座位都幾闊落坐得舒服。餐廳仲有好大塊落地玻璃，如果係日頭應該會望到旺角繁忙嘅街，聽講餐廳嘅設計都係參考返韓國。餐廳都係由韓國人主理，就連店面嘅服務員都係韓國人。
打開Menu可以睇到第一頁就係招牌嘅鳳雛燉雞，可以加唔同既配料，之後係炸雞、韓式主食，仲有米酒、燒酒。-
1️⃣ 前菜 💰0（👅: 7.5/10）
前菜
14 views
1 likes
0 comments
-
2️⃣ 芝士燉雞 💰305（👅: 8/10）
芝士燉雞
$305
14 views
1 likes
0 comments
上枱嗰時比個份量嚇親，如果大家唔係好大食其實呢個燉雞應該都夠兩個人食飽。雞肉係冇骨，咬落去唔算好滑，可能因為係雞胸肉，不過係啖啖肉，唔會話好多脂肪，雞肉加上特製醬汁，味道濃郁，有啲似藥膳排骨嘅汁。不過冇咁重藥膳味，偏鹹小小，叫咗小辣，對於唔食得辣嘅人來講應該有少少辣。
上面嘅芝士份量好多，夠拉絲，夠邪惡，芝士就咁食幾好食，不過芝士有啲似芝士還芝士，雞還雞，冇真係同雞融為一體，要夾一舊芝士再加一舊雞咁樣食，不過芝士飯落唔會好漏，可以中和一下醬汁的濃味。
入面嘅配料仲有韓式冬粉、薯仔、紅蘿蔔、青瓜、洋蔥等，最入味嘅配料一定係韓式冬粉，將醬汁濃郁嘅味道同辣味都索晒入去，冬粉咬落去煙煙韌韌，唔小心就食晒所有薯粉，一啲都無剩。薯仔都煮到夠腍，入味不過唔夠冬粉入味，其他配料都煮到夠腍入味。
-
3️⃣ 魚糕湯 💰128（👅: 7.5/10）
魚糕湯
$128
13 views
1 likes
0 comments
-
🥤 水果米酒套餐 💰128（👅: 8/10）
水果米酒套餐
$128
14 views
1 likes
0 comments
米酒入邊都有好多果肉，青提米酒飲落係甜甜地帶少少酸味，果肉豐富，雖然甜不過都飲到酒味，而士多啤梨米酒係三款口味最甜，好易就會忽略咗佢係米酒，不過都係最易入口都係最好飲，士多啤梨果肉都唔少，而藍檸米酒就比較酸一啲，整體水果味會重過酒味小小，不過其實佢嘅酒份量唔少。
-
🌟食物黎講最出色嘅都係佢嘅招牌燉雞，因為份量非常多，而且入邊嘅雞肉唔少，其實叫一個燉雞加米酒就應該夠飽，如果下次食會想試吓加飯焦或者大辣，即使係夜晚都未到滿座要排隊，整體味道都係充滿韓國風味，如果食厭左韓國炸雞或者烤雞，呢個會比到你一啲新鮮感。
-
👅味道: 8/10
🍴環境: 7/10
💰消費: $220-300pp (服務費: 10%)
Post
