自家製韓國刀削麵 (山林道)

Open Now

Now Closed

朋友傾咗好耐，好想食吓地道嘅韓國嘅嘢，諗起尖沙咀好多韓國餐廳林立，於是佢就推介咗呢一間排長龍嘅餐廳。我哋都要等15分鐘以上先等到位入到去見到好多韓文就覺得去咗韓國啦！一入到嚟就會有泡菜可以食，仲要係新鮮醃製嘅味道。我哋三個女仔決定嗌啲唔同嘅嘢，三個人一齊分享！牛骨湯刀削麵 $78好特別嘅刀削麵，比一般拉麵多咗一啲心思。牛骨湯好好飲。雙拼餃子 $58期待咗好耐嘅餃子終於有得食啦！有泡菜餃子同埋豬肉餃子。餃子入邊有啲粉絲好得意。五花肉泡菜煎餅 $68煎餅都有大大塊五花肉喺底嗰度，泡菜煎餅還原咗韓國嘅味道。入到去好似去咗韓國小店咁樣充滿旅行感覺。