雪龍湯 (Closed)

上環放工，今晚夜左收工，一個人又唔想番屋企煮飯食，於是就搵間餐廳自己食自己。行行下見到有間韓國餐廳，之前未見過就入去試一試。餐廳選擇好多搞到我心思思唔知食咩好。先來一枝韓國燒酒，25%酒精濃度，入口酒味好突出，對我黎講有啲刺激，飲飲下都好易入口。最後我就叫左鐵板牛肉飯。熱辣辣鐵板上枱，咋咋聲好過癮，香濃鐵板醬汁入口咸香好惹味，牛肉嫩滑無筋入口剛熟，配上韓國小食，好鐘意辣魚仔，送飯好正好滋味牛肉份量好多，女仔岩岩夠食。