韓宮 (Closed)

今日收工去咗黃埔食飯，地鐵站A出口一出就見到間韓國嘢，叫韓宮睇咗個Menu覺得OK就入咗去，因為朋友話佢好肚餓，我哋一入去就見到個燒豬肉拼盤，入面有五花腩同豬頸肉，同埋一啲配菜。 上菜想得好快，原來佢係成盤咁樣燒咁燒，塊板有個斜度幫你去油，五花腩肥美可口，豬油香好重，但食落都唔係好肥膩，個豬頸肉，燒到脆邊口感，成盤份量都好多，側邊仲有芝士，廚師腸，配菜，賣相好豐富之後我哋又點咗個醬油蟹，嚟到嘅時候店員有解釋我哋點樣食，因為係第一次食，食完覺得味道好新鮮，原來醬油同蟹肉係可以咁夾，除碟仲有個紫菜飯，俾你撈埋蟹蓋同啲飯一齊食，我哋仲試咗自製嘅炒飯添見到隔離有炸雞，朋友都話想試，我哋叫咗個蜜糖芥茉炸雞，份量都好多，全部都係冇骨㗎，啲皮炸到好脆，入面啲肉都好軟滑，最鍾意就係佢嗰個蜜糖芥茉醬，甜甜地，食完一舊又想食第二嚿，好食！估唔到隨機入嘅舖頭都有驚喜，下次可以叫多啲朋友一齊試，店員服務都好好，佢會同你介紹啲菜係點食！