Goobne Chicken (荃新天地)

Open Now

Now Closed

Happy Friday 啦！星期五放工，三兩知己，最好搵個地方食餐飯吹水。來到荃灣，去到呢間Goobne， 諗住食韓國嘢。等咗一陣就有位啦，按掣就點菜。先叫咗個韓式雞蛋卷，再叫BBQ醬燒豬肋骨，飲番個柚子蜜雞尾酒，當然要叫重點三重芝士炸雞。三重芝士烤雞，加上車打忌廉藍紋芝士，食落非常之香，雞肉非常之嫩，層皮極度香口，呢個食雞配搭真係好新鮮又好味。韓式雞蛋卷，有黃瓜、醃紅蘿蔔、餐肉、海苔同芝士，有啲似加州卷但係蛋好有層次，點埋茄醬蛋黃醬，入口味道一流，無飯好味加州卷。BBQ醬燒豬肋骨，豬肋骨入口即溶，配上辣辣哋嘅燒烤醬，肉非常薄所以好”林”，加上薯條，厚厚個芝士底，真係好豐富。柚子蜜雞尾酒，大家一齊吹水飲酒，甜甜地酒精又唔多，非常之正。