Terrace in seaside (德福廣場1期)

Open Now

Now Closed

今日去咗Terrace in seaside 九龍灣德福分店，餐廳內有柑橘樹裝飾好靚，令人感覺很清新，打卡影相一流！餐廳成日都有唔同主題，今期新品系以番茄為主題，推出新品原個蕃茄沙律配胡麻醬同番茄薄荷蘇打，餐牌另外仲有好多選擇，主食甜品都出色。原個蕃茄沙律配胡麻醬賣相出眾，原個番茄新鮮多汁，入口酸甜清新，配搭沙律菜同雜果很有口感，加入胡麻醬提升咗味感，開胃又好味。神話豬腳紫蘇拌飯呢個菜式有驚喜！用竹藍呈上，很有韓國濟州風格，白飯撈咗特製韓式辣醬，有微辣口感，豬腳份量滿足，肉質軟冧入味，豬皮Q 彈富有骨膠原，好好味。醬燒牛肉飯卷佢賣相出眾，色彩繽紛。用咗好多沙律菜伴盤，仲有一舊甜橙，中間有紅蘿蔔、烤牛肉、燒玉子，酸菜，口感層次豐富。飯後甜品食咗Lotus 焦糖芝士甜蜜滿屋窩夫即叫即整，雙層窩夫充滿蛋香，賣相好吸引，佢上面鋪滿奶油同芝士，用Lotus餅同新鮮生果做點綴。濟州柑橘乳酪signature drink，用柑橘扣在杯上做裝飾，乳酪口感綿滑而且充滿柑橘味，酸酸甜甜很開胃。柚子檸檬梳打清新爽口，柚子味突出，加入檸檬片，賣相唔錯。