Coffee Hwajeon 커피화전

Open Now

Now Closed

圓方商場呢間韓式Cafe 之前同老公來過一次已經好鍾意，今日去開圓方就同老公再訪食午餐。門口擺放咗好靚嘅繡球花打卡位，環境好舒服，我哋坐韓式榻榻米坐位好有特色。這裡主打甜品、刨冰、韓式年糕、紫菜包飯等，食物賣相都好靚，員工亦好親切友善。🔶士多啤梨芝士蛋糕牛角包窩夫牛角包窩夫焗到好香脆，中間層芝士蛋糕好香滑，忌廉打到好滑，加埋士多啤梨🍓醬&果肉，口感豐富又滿足。🔶釜山粟米刨冰🍧店員推介我哋試呢個新Menu粟米刨冰，估唔到又真係幾正🤩 賣相好靚又大份，釜山粟米🌽好香甜，包住滿滿嘅綿綿冰，上面同埋裡面都有粟米片同焦糖餅乾，醬汁亦好夾，呢個組合好特別又好食😋🔶真露布拉塔年糕 年糕煙韌，醬汁香濃蕃茄味，配搭清爽柔軟布拉塔芝士，越食越滋味。🔹Lotus 焦糖奶昔🔹棉花糖泡泡每杯嘢飲附送一個韓式花煎甜點，外皮似糯米糍硬身少少幾煙韌，裏面有豆沙餡。