韓脈 (帝國中心)

Open Now

Now Closed

📍尖沙咀 Han Mat話說好耐冇食過韓國嘢，今日心血來潮，突然間好想食，於是就嚟到呢一間位於尖東嘅正宗韓國餐廳，佢係韓國人主理，連廚師都係韓國人，包保味道係最正宗。今日最主要就係食烤肉，試吓佢韓國傳統烤肉係點💙。醬油蟹 $250呢款醬油蟹真係好正呀！蟹身肥滿，鮮味十足。佢個醬油汁好香濃，入口滋味好濃郁，真係令人回味無窮。蟹肉鮮嫩多汁，真係一絕！味道真係值得。下次再食飯一定會再點呢款醬油蟹！特級牛肋骨 $275佢呢一個牛肋骨非常之大份，係成卷感想，而且叫烤肉店員會好貼心咁幫忙煮埋同切埋，完全係等食mode on!😽肉質方面唔算好腍，但係就好重肉味，而且都幾有咬口。醬油雞 $130醬油雞係比較有驚喜嘅一道菜，調味調得非常好，而且烤完之後肉質都依然好嫩滑，加埋韓式醬汁同配菜，好有韓國嘅感覺啊！🐥牛胸肉大醬湯 $98食韓國嘢梗係要飲佢嘅石鍋湯🙂‍↔️，今次就叫咗佢嘅牛胸肉大醬湯，其實大醬嘅味道同麵豉差不多，鹹鹹地之餘又好有肉味，成個配搭非常之唔錯，加埋唔同嘅蔥段同豆腐，飲完之後已經飽咗一半。