Coffee Hwajeon 커피화전

Open Now

Now Closed

呢間韓式榻榻米咖啡店，環境真係好舒服！一入去就感受到一股濃厚嘅日式簡約風格，配埋榻榻米嘅座位，感覺好relaxing，好適合同朋友慢慢傾計💬👍🏻我哋叫咗半半炸雞、粟米牛角包窩夫、士多啤梨戀人刨冰、盛放花開燕麥奶同忌廉黑朱古力咖啡☕️首先係半半炸雞🍗$155，甜辣炸雞同蜂蜜炸雞各半，份量都幾多，夠晒兩人share。甜辣炸雞個醬汁好惹味，辣度適中，唔會太辣，雞皮炸得脆卜卜，雞肉嫩滑 juicy，好好食！蜂蜜炸雞就甜而不膩，蜂蜜嘅香味好突出，同樣地，雞皮脆口，雞肉都幾嫩。粟米牛角包窩夫$132就比較特別，牛角窩夫酥脆，配埋粟米，味道幾夾。士多啤梨戀人刨冰$98賣相吸引，士多啤梨🍓新鮮，刨冰夠細滑，內裡仲有蕨餅。飲品方面，盛放花開燕麥奶$52奶味香濃，口感順滑，燕麥味唔會太搶，幾好飲。忌廉黑朱古力咖啡$52，咖啡味濃郁，忌廉滑溜。呢間咖啡店嘅食物質素唔錯，價錢都算合理，環境又舒服。