家家戶戶

Open Now

Now Closed

尖沙咀有條韓國街，出咗名有好多韓國餐廳所以今次就去咗覓食試吓啲韓國料理啦～ 見到間紅磚入面裝修似韓式溫馨家庭料理feel 嘅餐廳就入咗去醫肚😛見到Menu 都幾多款配搭嘅套餐組合揀，店內嘅店員都唔係本地人 落單用寫No.落單比佢哋就可以唔洗怕溝通唔到落錯單～ 第一餐都真係幾餓嘅，早午餐嚟講見到個人蔘雞張圖即刻就寫低咗😂 而另一樣就叫咗牛肋骨因為見隔離枱食緊個牛肋骨陣陣疊咁好似都好正而吸引嗌咗。 上菜比隻雞嚇咗一跳，好一整隻雞呢。熱辣辣咁飲完暖笠笠、雞入面仲包有紅棗、米同蔘頭蔘鬚～天氣凍凍地食依個進補簡直一流🥰 蔘雞湯有雞同微蔘嘅味道食得出係無落味精嘅感覺，而雞肉都好滑仲啖啖肉，配有胡椒粒同埋鹽比你自行調味或者點嚟食，成煲雞連湯食哂唔配飯其實都好飽🙈🙈 而牛肋骨係用鐵板上香噴噴 ，層層疊咁有3層都好多塊有8-9塊左右仲有蔥花🤤肉唔會柴 牛味配上醃醬汁燒完都仲好夠味，套餐仲配有前菜、包括有 泡菜、韮菜 同 魚糕 、魚仔 應該係隨機嘅3款前菜 仲跟白飯同海帶湯。依度份量好夠好抵食，2人都食到好滿足。