반찬앤쿡 Banchan and Cook (太古城中心)

Open Now

Now Closed

係太古城中心嘅banchan 係半開放式的。晚餐時段係門口排隊嘅食客有10幾人，等咗大約10分鐘就有位，都好快。 坐低揀好食物就可以去收銀處點餐，等待食物期間可以自己準備好餐具，餐碟等等。亦有清水提供。 前菜當然唔少得韓式炸雞，仲有埋薯條同年糕，好抵食，點半份都好夠。 主菜係泡菜燉五花肉蛋包飯，大大塊泡菜包住幾片五花肉，仲有醃青瓜醃蘿蔔絲，不自覺就食哂。 韓式牛扒三文治，牛扒有薄漿粉炸過，有好濃嘅牛油味。配有紅菜頭沙律，同薯仔蘋果沙律，輕食之選。 嘢飲點咗熱嘅伯爵茶鮮奶咖啡，估唔到兩個味道可以並存又好夾。另一杯係玫瑰紅桑子沙冰，帶有少少奶味。最後甜品點咗烤朱古力棉花糖，底部有消化餅碎。看似簡單卻充滿誠意。