Video
Read full review
2017-07-19
211 views
同朋友行上環摩囉街, 行行企企, 唔經唔覺已行了成個下午, 時間真的過得好快, 睇下摸下的古玩, 同好傾的檔主傾多兩句, 咁就過了一個下午, 夜幕降臨, 才發覺飢腸轆轆, 夠鐘食晚飯了, 隨意入了一間食肆醫肚, 原來這間是食韓國菜的, 名叫”雪龍湯”, 估唔到的是隨意入的餐廳, 味道真係不俗, 一家要在這裡介紹給大家. 這間驟眼睇似西餐廳的韓國菜館, D餐牌都是改良了的韓國菜, 有傳統的人參燉雞, 有韓國出名的牛肉雪濃湯, 仲有豬肉泡菜鍋, 主菜有黑啤豬手, 炭燒豬肉及雞肉串等等, 菜式都幾吸引, 飲品當然唔少得韓國燒酒及韓國出品的飲料啦! 思量一番, 終於落了order. 首先上來了泡菜番茄豬軟骨烏冬, 濃濃的番茄湯上面鋪著大大塊的豬軟骨, 然後又有一小撮油綠綠的菠菜放在一邊, 中間又放了一小撮綠豆芽, 仲有泡菜, 食一啖烏冬, 爽口彈牙, 湯底酸酸甜甜, 很開胃, 豬軟骨好林, 好入味, 配合的泡菜送烏冬, 真是好味道, 泡菜的酸辣化解了豬軟骨的油膩, 味道好夾好好食. 跟住我們叫的炭燒豬肉及雞肉上枱, 配上黃色的芥末醬, 豬肉肥瘦適中,串燒上還有些大蔥, 未入口已聞到豬肉香, 點
這間驟眼睇似西餐廳的韓國菜館, D餐牌都是改良了的韓國菜, 有傳統的人參燉雞, 有韓國出名的牛肉雪濃湯, 仲有豬肉泡菜鍋, 主菜有黑啤豬手, 炭燒豬肉及雞肉串等等, 菜式都幾吸引, 飲品當然唔少得韓國燒酒及韓國出品的飲料啦! 思量一番, 終於落了order.
首先上來了泡菜番茄豬軟骨烏冬, 濃濃的番茄湯上面鋪著大大塊的豬軟骨, 然後又有一小撮油綠綠的菠菜放在一邊, 中間又放了一小撮綠豆芽, 仲有泡菜, 食一啖烏冬, 爽口彈牙, 湯底酸酸甜甜, 很開胃, 豬軟骨好林, 好入味, 配合的泡菜送烏冬, 真是好味道, 泡菜的酸辣化解了豬軟骨的油膩, 味道好夾好好食.
跟住我們叫的炭燒豬肉及雞肉上枱, 配上黃色的芥末醬, 豬肉肥瘦適中,串燒上還有些大蔥, 未入口已聞到豬肉香, 點了一點芥末醬, 咬在口中, 一陣芥末辛辣直更攻上腦, 幾秒鐘後變帶出了豬肉的肉香, 大蔥的蔥香, 刺激又好食, 滿口香噴噴, 令人食完再想食. 雞肉串都係, 雞肉燒到一D都唔鞋口, 但同豬肉比較, 我都是更鐘意食豬肉, 豬肉的肥肉部份燒出來的肥油帶出豬的香味, 一D都唔覺油膩, 非常香口好食!
跟住的出品是一道野生三文魚鍋, 非常有興趣睇下野生三文魚有何不同, 上枱的三文魚鍋用的是番茄湯底, 粉紅色的三文魚塊放在湯中再配上幾塊嫩滑的豆腐, 賣相相當好睇, 似韓劇中的宮廷菜, 急不可待的試下三文魚, 好嫩滑, 一D都唔腥, 而且啖啖肉, 一條魚骨都沒有, 仲食到類似魚生的鮮甜, 認真唔錯! 豆腐索晒番茄湯的精華, 又滑又好食, 連湯都覺得是非常好飲咧!
最後一個牛肉飯來到了, 牛肉是用鐵板上枱的, 類似香港人至愛的肥牛, 但比肥牛要瘦, 牛肉切得好薄, 應該是用韓式醬料醃了之後炒熟, 再配上韓國的酸菜, 有紅蘿蔔, 有魚仔乾, 有青瓜片, 仲有一碗熱辣辣的菜湯, 好豐富! 用這鐵板牛肉送飯真是絕配, 牛肉汁香濃, 牛肉香口, 酸菜開胃, 搭配非常好, 夜晚少食米飯的我都忍唔到口, 爬了好多啖飯人口, 實在是太好味了.
第日行古玩街又多一個食飯的選擇, 這間”雪龍湯”仲有其他菜式我都想試, 因為今日食的幾道菜樣樣都好啱口味, 下次來行摩囉街, 我會再來食, 食佢其他的菜式.
Post
