李家 (海壩街)

Open Now

Now Closed

本身真喺好鍾意食炸雞，帶埋朋友一齊去食韓式炸雞，我哋去咗荃灣李家，進入餐廳已經感受到韓式風情，牆身貼上韓星海報，播著韓國流行音樂。打開餐牌，見到有多種款式炸雞即時心心眼，可按自己喜好去選擇有骨或無骨炸雞，我同朋友揀咗兩款無骨炸雞，一次過品嚐兩種不同口味炸雞。芝士味炸雞 – 無骨 (半份)：舖上滿滿嘅芝士粉喺炸雞，食落每一口都喺芝士香味; 炸雞好酥脆，而且無骨啖啖雞肉，好正呀！蜂蜜大蒜炸雞 – 無骨 (半份)：炸雞配搭蜂蜜同大片嘅蒜片，味道真喺好夾，醬汁好香甜。牛肉炒粉絲：食材豐富，有牛肉、洋蔥、紅蘿蔔、蘑菇等等; 粉絲乾身且口感煙韌，食到停唔到口，食埋清湯烏冬就非常飽肚!