Unnie

Open Now

Now Closed

同男朋友由元朗去左港島區搵食，揀左間新開既韓式Fusion Cafe可能我地大鄉里出城，門口有啲難搵Menu 分韓式Fusion 主食同西式Burger。我唔太食得辣叫左個醬燒頂級牛肉伴意大利飯。男朋友話黎得食Fusion菜，當然要叫個韓式啲既食物試下，就叫左魚糕串辛辣麵卡邦尼意粉。可以+$48升級做Set，就會有粟米湯+蛋糕+檸茶/Americano。或者+$68就可以自選飯品。男朋友加左Set叫左杯Americano，我唔好甜品，就單點一杯抹茶豆腐拿鐵。抹茶豆腐拿鐵好重豆腐味。食物黎到，同想像中既樣子唔同，果然係Fusion菜。意大利飯似係拌飯，米係用返意大利米。我覺得都有少少辣味🤏🏻 不過係我接受到既程度。而辛辣麵卡邦尼意粉，係卡邦尼意粉配上乾身麵既Topping，幾新鮮既配搭。不過後者對我黎講有啲辣，啱好辣既男朋友。食物份量比想像中多，而且調味濃，我地都食得好飽。最後上埋蛋糕，味道同賣相都幾好。