Video
Read full review
2018-10-21
69 views
之前去韓國好出名食炸雞嘅Sodam Chicken食過之後，一直都對佢嘅炸雞念念不忘，最近上網竟然比我發現咗佢喺中環蘭桂坊開咗店，於是今日約埋朋友去朝聖一下！間店位置雲咸街同埋蘭桂坊嘅交界位，都唔算難搵。店舖有兩層，樓下嗰層唔係太多張檯，所以我哋被安排咗坐喺2樓。基本上同韓國嘅menu都差不多，只係最少少唔同，而呢度最出名莫過於三重雞鍋套餐🍜，有韓式炸雞、安東燉雞同埋春川辣雞，可以一次過滿足3個願望，試晒唔同口味嘅雞，不過朋友唔太食得辣，所以最後都無揀，選擇散叫其他。首先嚟個芝士炒年糕，芝士味濃郁🧀，有creamy嘅味道，底下仲有少少火腿絲調下味，年糕煙韌彈牙，份量又足。韓式涼拌水冷麵🍲：麵條爽口，有雞蛋、紅蘿蔔絲同泡菜，如果怕太辣仲可以要求泡菜分開上。不過如果再冰震啲就會更加正！泡菜豬骨湯烏冬：賣相雖然看似普通，不過豬骨湯味頗濃，豬軟骨又夠稔，烏冬煙韌彈牙，仲有蟹柳同泡菜，不過同樣如果怕太辣，都可以要求泡菜分開上。嚟Sodam Chicken 又點少得重頭戲-韓式炸雞呢🍗🐔，佢都有幾款唔同味，有原味、甜酸、蜜糖芥末味，之前喺韓國食過原味，今次試下個蜜糖芥末味炸雞(無骨)，份量好多，炸
之前去韓國好出名食炸雞嘅Sodam Chicken食過之後，一直都對佢嘅炸雞念念不忘，最近上網竟然比我發現咗佢喺中環蘭桂坊開咗店，於是今日約埋朋友去朝聖一下！
間店位置雲咸街同埋蘭桂坊嘅交界位，都唔算難搵。店舖有兩層，樓下嗰層唔係太多張檯，所以我哋被安排咗坐喺2樓。
基本上同韓國嘅menu都差不多，只係最少少唔同，而呢度最出名莫過於三重雞鍋套餐🍜，有韓式炸雞、安東燉雞同埋春川辣雞，可以一次過滿足3個願望，試晒唔同口味嘅雞，不過朋友唔太食得辣，所以最後都無揀，選擇散叫其他。
首先嚟個芝士炒年糕，芝士味濃郁🧀，有creamy嘅味道，底下仲有少少火腿絲調下味，年糕煙韌彈牙，份量又足。
韓式涼拌水冷麵🍲：麵條爽口，有雞蛋、紅蘿蔔絲同泡菜，如果怕太辣仲可以要求泡菜分開上。不過如果再冰震啲就會更加正！
泡菜豬骨湯烏冬：賣相雖然看似普通，不過豬骨湯味頗濃，豬軟骨又夠稔，烏冬煙韌彈牙，仲有蟹柳同泡菜，不過同樣如果怕太辣，都可以要求泡菜分開上。
嚟Sodam Chicken 又點少得重頭戲-韓式炸雞呢🍗🐔，佢都有幾款唔同味，有原味、甜酸、蜜糖芥末味，之前喺韓國食過原味，今次試下個蜜糖芥末味炸雞(無骨)，份量好多，炸雞又香又脆，肉質又嫩又滑，啲皮炸到卜卜脆，炸粉又唔會太厚，蜜糖芥末味配合炸雞非常好味，甜得嚟有少少芥末味中和番， 味道啱啱好！
食完餐飯，我哋兩個人都食到捧住個肚仔走，哈哈！真係太滿足啦！下次想食Sodam Chicken炸雞，都唔駛飛去韓國啦~
Post
