BBQ 7080 (Closed)

呢期韓風大熱，我地都要跟貼潮流去食呢期大熱既韓國燒烤！今次係小魚媽第一次寫食評，要為大家介紹既係位於旺角兆萬中心13樓既BBQ 7080!朋友book位book6:00，我地5:45已經到達，服務員都好好即刻安排我地入座等候！一行四人，餐廳安排左一張5人枱比我地，餐廳內所有櫈都係以油桐設計，打開蓋面可以比客人放衫，手袋！座下來侍應就為我地送上韓式前菜，有泡菜啦，翠肉瓜啦，酸羅白，洋蔥同凍豆腐！我最鍾意係泡菜，唔太辣又新鮮！餐廳重好好準備左一樽凍麥茶比客人，令人覺得冇甘熱氣同去油！讚讚！好啦，我地急不及待要叫野食啦！我地叫左豬肉雜盤，豬皮，鰻魚，元貝，雪花牛，黑毛豬後頸肉...最最最特別係燒豬皮，因為係第一次食，所以覺得好特別！侍應話要燒到唔見白色先叫熟！鰻魚都好特別，唔係平時我地食開個d日式鰻魚，比較脆身，配上甜鼓油都幾好味！！由於我地都唔係好識分辯點樣燒係最好，所以餐廳侍應都好好主動去幫我地燒同講解比我地知應該點燒！值得一讚！！大致上餐廳內食物都好新鮮，美味！分量都多，如果想叫多d不同款式就最好叫多幾個朋友一齊去！