GALBI TOWN

Open Now

Now Closed

原來尖沙咀有間食韓牛好正嘅韓國餐廳，朋友話呢間d韓國好好味，所以就去試吓，喺格中心上面一樓全層，地方非常大，d位都坐得好舒服，仲有店員幫我地燒埋，所以唔會因為唔識燒而overcook。調味特選牛肋骨肉牛肋骨肉嘅肉都幾厚切，調味調得好好味，完全唔韌，好重牛味，肉質都好淋，食落好多肉汁，好味。調味大牛肋骨肉係原骨牛肋肉，佢地已經喺廚房燒過表面，之後切片上枱，可以見到d牛肉好靚，肥瘦均勻，再喺網上燒一燒，食落油香十足，仲好juicy,勁正。部隊鍋用石鍋裝住，所以上枱時都仲好熱辣辣，見到麵上面鋪滿芝士，知湯底唔算太辣，仲有年糕，腸仔同午餐肉，都幾足料，唔錯。