會長之家烤肉

Open Now

Now Closed

今日終於約上朋友們去食位於福榮街506-510號榮發閣地下A1號舖的會長之家烤肉到門口就給外牆吸引了！入到裡面更加靚，牆上有特色畫，門口位置個梳妝櫃更加喜愛！手工藝術感滿滿，每個櫃門的畫都不同！簡直愛了愛了❤️今日幾人點左個份量超足的會長韓牛海鮮套餐(3至4人)，一個呼啦圈上嚟都震驚了😱😱呼拉圈上包括有美國牛舌芯，M6澳洲和牛小柳，M8澳洲和牛内裙肉，韓牛西冷扒，西班牙黑毛豬肋條，西班牙黑毛豬肩甲肉，阿根廷珍寶紅蝦4隻，韓式燒式鰻魚(4件)，青口(4隻)，扇貝(4隻)，魷魚，肉類同海鮮質素都唔錯，每樣都超級吸引，簡直無從下手！如果唔知道點樣烤，可以請店員幫下手，店員会幫忙烤鰻魚，超好食，皮脆肉嫩，肉质弹牙，加上鰻鱼汁，差 D想自己食曬！熟食有脆炸雞翼(8件)配孜然醬，外層炸得鬆脆，配上孜然醬，都幾特別！脆炸紫菜粉絲卷(8件)，裡面的粉絲QQ彈彈，外面炸得薄脆，配上甜辣醬，風味獨特！另外飲品叫左柑桔檸檬汁，葡萄梳打，百香果梳打！今日几条友对呢个餐的評價都唔錯，下次可以再來！