GALBI TOWN

Open Now

Now Closed

🐮韓牛都有出世紙⁉️Galbi 高級韓牛店位於尖沙咀，仲要超級大，有8000尺‼️呢到除左韓牛係直接由韓國入口，連店員都係講韓文，好多食客都係韓國人就知真係地道又有質素💪🏻🥬前菜款式多到令我震驚，無限refill，食前菜都飽🙉有泡菜、蛋卷、蓮藕、水泡菜⋯⋯最勁係有辣醬蟹🦀任食，呢樣已經值回票價。最推薦食特選牛肋骨肉🐮成條牛肋骨都用左蜂蜜醃製。唔洗驚自己燒得唔好，因為呢到嘅店員會幫手燒，等食就得🤗牛肉嘅肉質好嫩口，鹹鹹甜甜咁，好好食。當然，嚟呢度一定要食韓牛，每一碟韓牛都會跟一個QR Code，掃入去可以見到牛既等級同生日，品質保證。所有韓牛都冇特別調味，真係食佢原本鮮味，配搭埋洋蔥一齊食，一啲都唔油膩🤗呢度仲有幾間貴賓房，同朋友一齊嚟gathering，飲住啤酒食韓牛係一個幾好嘅選選。