반찬앤쿡 Banchan and Cook (太古城中心)

Open Now

Now Closed

餐廳位置都幾多，而且好光猛，有啲花花草草既小裝飾，部分枱既入面都係花花，感覺好小清新。餐廳係自助形式，落完單自己取餐，餐具/碗碟/杯都係即棄既，仲有檸檬水/雜果水比你斟我叫左個套餐包2個主食1個小食1個甜品2杯飲品🍸2個女仔食飽到上心口😂肉醬牛胸肉蛋包飯，一切開個蛋啲流心滑蛋流哂出黎，加埋肉醬同佢本身個炒飯底超夾👍🏻墨汁大蝦魚籽意粉🍝濃郁既墨魚汁好杰身，沾上每一條意粉，連埋魚子一齊食就更鮮味炸雞拼盤有3隻味～雞肉都好嫩滑，仲有薯條同年糕，份量都好多。小甘筍芝士蛋糕細細件岩岩好，唔會好膩