達人包車 (Closed)

近期真係係咁同朋友孖住食韓國菜，今次都唔例外，就去了係銅鑼灣的達人包車。芝士排骨就食得多，所以今次大家都話食辣炒雞排，還加了烤牛肉蛋衣紫菜包飯同兩杯飲品。未上菜前，先來個前菜開開胃先。來了來了辣炒雞排終於上菜了，雞排炒得好香，聞落香香辣辣咁而且啲顏色好吸引，還有很多配菜係入面一齊炒，感覺好豐富。鐵板邊還放了大量未溶的芝士及少量配菜，而芝士需要煮一段時間才能吃。但係等待的期間我忍唔住食了啲雞排，雞排肉都算嫩滑，而且煮得好入味，辣得黎好惹味，超正。大約過了十幾分鐘的時間，芝士開始溶解中了，我已經迫不及待要將啲辣雞肉沾滿芝士。食落是另一種感覺，啲芝士沒搶走雞肉的香辣味，反而增加了芝士香味，而且芝士令雞肉更滑！係等芝士煮溶的時候，烤牛肉蛋衣紫菜包飯亦都上菜了。金黃色的蛋衣包住美味的烤牛肉紫菜包飯，賣相好靚。牛肉烤得好香口，連飯食好正，加上沙律醬別有一番風味！最後唔少得兩杯靚靚飲品，淺藍色個杯係青色檸檬果汁飲料，味道酸酸甜甜，好清爽的檸檬味及橙黃色的芒果汁飲料，飲落有好香的芒果味。