Video
Read full review
2022-07-25
422 views
諗唔到食咩好，永遠都會行下通菜街搵吓靈感，喺餐廳門口揭一揭佢個餐牌，價錢唔貴而且款式眾多，最後決定入去一試！精選時令生蠔$198就有一打嘅享受，蠔殼開得乾淨，來自韓國的蠔肉相當飽滿，食落味道較清，無咩鏽味。真露焗蜆用鐵盤端上，蜆肉厚肉，雖然用上真露去烹調，但酒氣已揮發得七七八八，食得出好香蒜味同牛油香氣，加入蔥花亦更能調出鮮香。韓川燒肉拼盤一盤已涵蓋左豬、牛、雞，另外加入左韓式秘製魔鬼辣醬，燒上去更見滋味，辣度不嗆喉但稍有後勁，食得辣嘅朋友，小編真係非常推薦！餐廳已經預先幫你燒好，避免左令人厭惡嘅油煙味，另外餐廳會提供蒜片、芥末醬、醬油、洋蔥片，讓你自製生菜包。食落牛肉厚肉得黎唔太乾身，豬肉需要點嚼勁，但油脂感極香、雞肉好爽滑。溫泉蛋虎蝦芝士湯烏冬湯頭好甜，夾起烏冬嘅同時，芝士亦都澎湃地湧上，篤穿溫泉蛋攬拌一下可以更為濕潤，小編最欣賞嘅係兩條巨型大蝦，爽甜得黎又厚肉，蝦頭充滿蝦膏，極為新鮮。飲品叫咗兩罐來自韓國嘅特飲分別係青蘋果同檸檬口味，如果唔係趕住去做運動，早就叫咗杯燒酒啦，嘿嘿～
精選時令生蠔
$198就有一打嘅享受，蠔殼開得乾淨，來自韓國的蠔肉相當飽滿，食落味道較清，無咩鏽味。
真露焗蜆
用鐵盤端上，蜆肉厚肉，雖然用上真露去烹調，但酒氣已揮發得七七八八，食得出好香蒜味同牛油香氣，加入蔥花亦更能調出鮮香。
韓川燒肉拼盤
一盤已涵蓋左豬、牛、雞，另外加入左韓式秘製魔鬼辣醬，燒上去更見滋味，辣度不嗆喉但稍有後勁，食得辣嘅朋友，小編真係非常推薦！餐廳已經預先幫你燒好，避免左令人厭惡嘅油煙味，另外餐廳會提供蒜片、芥末醬、醬油、洋蔥片，讓你自製生菜包。食落牛肉厚肉得黎唔太乾身，豬肉需要點嚼勁，但油脂感極香、雞肉好爽滑。
溫泉蛋虎蝦芝士湯烏冬
湯頭好甜，夾起烏冬嘅同時，芝士亦都澎湃地湧上，篤穿溫泉蛋攬拌一下可以更為濕潤，小編最欣賞嘅係兩條巨型大蝦，爽甜得黎又厚肉，蝦頭充滿蝦膏，極為新鮮。
飲品
叫咗兩罐來自韓國嘅特飲分別係青蘋果同檸檬口味，如果唔係趕住去做運動，早就叫咗杯燒酒啦，嘿嘿～
Post
